BUTUAN CITY – Sugdan sa United States Central Command unyang alas-onse sa gabii – oras sa Pilipinas ang pagpatuman na sa blockade sa mga musulod ug mugawas nga barko sa mga pantalan sa Iran.
Kini human napakyas ang peace talks tali sa mga representante sa Amerika ug Iran taliwa sa mga bahad nga gibungat ni US President Donald Trump kansa nagbutang sa alanganin sa nagtunhay nga ceasefire tali sa duha ka nasud.
Gihimo sa US military ang bahad human gipadayag ni US President Donald Trump nga magpatuman og blockade sa maong agi-anan sa mga barkong nga magdala og lana langis agi sa Strait of Hormuz apil na kadtong magbayad og toll sa Iran dungan sa pagseguro nga ilang i-neutralize ang pagmina sa nasangpit nga lugar.
Nagbahad si Trump nga ang si kinsa mang mu-atake sa Amerika ug sa mga sibilyang barko, mag-atubang og grabeng aksyon.
Una nang gi-angkon ni US Vice President JD Vance nga napakyas sila pagkab-ot og kasabutan tali sa Iran tungod sa dili magkatukma nilang posisyon sa peace deal.
