BUTUAN CITY – Nagpaabot ug pagtimbaya ang lokal nga kagamhanan ning siyudad sa Butuan dinhe sa sibyahan sa Bombo Radyo human kini nag-number 1 sa pinaka-ulahing Kantar Media Survey.
Sigon ni Konsehal John Gil Unay, officer in charge kon OIC sa Butuan City government, usa ka dakong dungog og grasya ang pag-numero uno sa Bombo Radyo isip gipaminawang radio station ning siyudad gawas pa sa sunod-sunod nga award nga nadawat niini.
Nasayrang unang nakasakmit og kada-ugan ang Bombo Radyo Butuan ning tuiga sa 26th Kapisanan ng mga Brodkaster ng Pilipinas kon KBP Golden Dove Awards human napiling Best Radio Newscast –Provincial category ang Bombo News and Views Morning Edition.
Gisundan kini sa pagkapili sa Good Morning Philippines isip ‘Best Educational Program sa 40th Catholic Mass Media Awards kon CMMA alang sa segment niining ‘Success Story’.
Sigon pa ni Konsehal Unay, timailhan kini sa kakugi sa tanang empleyado ning sa Bombo Radyo dungan sa pagdasig nga ipadayon ang maayong buhat ug pagserbisyo sa katawhan. (Rolan Janea)
