BUTUAN CITY – Gikonsidera karon sa legal team sa Socorro Bayanihan Services Incorporated kon BSBI kansa mas naila sa bansag nga Bayanihan, ang pag-file og writ of habeas corpus subay sa pag-contempt sa ilang mga kliyente nga sila Jey Rence Quilario, Karren Sanico, Janet Ajoc ug Mamerto Galanida.
Sa eksklusibong pakighinabi sa Bombo Radyo Butuan, aminado si Atty. Hillary Olga Reserva, legal counsel sa mga lider sa Bayanihan nga maghulat na lang sila kung kanus-a tangtangon ang contempt order sa Senado batuk sa ilang mga kliyente ingon man ang dagan sa imbestigasyon ug ang eskedyol sa adjournment sa Senado sa maong pagdungog.
Una nang gibutyag ni Atty. Reserva nga sa pagkakaron, wala pa sila’y nakitang legal remedy batuk sa pag-contempt sa Senado sa ilang mga kliyente tungod kay kusog ang contempt power sa Senado nga dili mahimong i-encroach sa korte rason nga musunod pa sila sa mga prosesong legal sa Senado.
