Pag-apil sa rare disease care sa Universal Health Care, gihangyu ni Senadora Pia Cayetano

BUTUAN CITY – Hugot nga gikalampag ni Senador Pia Cayetano ang gobyerno nga iapil ang panginahanglan sa pasyente nga dunay rare disease sa Universal Health Care System sa nasud isip paghandum sa Rare Diseases Act of 2016. 

Sa privilege speech sa senadora, gibutyag niining kinahanglan nang eapil ang rare disease care sa Universal Health Care aron hingpit nga mahatagan og pag-atiman sa gobyerno ang mga pasyente sa nasangpit nga sakit.

Sumala pa niini kinahanglang pakusgon ang suporta sa gobyerno sa mga Filipino nga nabuhi sa rare diseases.

Nanawagan usab si Cayetano og mas hugot nga implementasyon sa balaod, ang Rare Diseases Act of 2016, palapdan ang early diagnosis ug treatment og full integration sa rare disease care sa Universal Health Care.