BUTUAN CITY – Tungod sa padayon nga pag-uswag ug pag-innovate sa Queen City Development Bank, napalig-on niini ang iyang papel isip kauban sa pagpauswag sa komunidad.
Sa pagbukas niadtong Pebrero 23 sa tulo ka adlaw nga Top Level Management Conference nga gihimo sa Dr. Rogelio M. Florete Leadership Center sulod sa Queenbank Building sa Valeria Street, Iloilo City, gipahayag ni Margaret Ruth Florete, President ug CEO sang Queen City Development Bank, nga padayon ang pag-evolve sa Queenbank aron makasabay sa paspas nga pag-uswag sa teknolohiya ug sa nagabag-o nga dynamics sa merkado.
Matod pa kay Florete, mabati sa mga komunidad ang presensya sa bangko ug magpabilin kini nga importante nga kauban sa mga kliyente, ilabi na sa panahon sa kausaban ug kakulang sa kasiguruhan.
Nakita sa Queenbank ang daghang oportunidad nga dala sa inobasyon, entrepreneurship ug resilience.
Gipamugos ni Florete nga nakasentro ang bangko sa responsible growth, diin dili lamang kita ang gihatagan og importansya kondili usab ang klarong katuyoan.
Lakip sa mga lakang sa Queenbank ang pagpalambo sa organic growth, pag-invest sa mga empleyado, digital capabilities ug sa mga physical spaces aron mas epektibo nga masuportahan ang mga kliyente.
Bisan pa sa dili maihap nga mga kalampusan sa Queenbank, nagtuo kini nga mas daghan pa gyud ang mga oportunidad nga naghulat aron mapalapad pa ang serbisyo ug epekto niini sa mga komunidad nga iyang ginaserbisyuhan.
Ang tema sa Top Level Management Conference karong tuiga mao ang “Building Relationships, Building Business,” nga nagpakita sa commitment sa Queenbank sa paghatag og prayoridad sa papel niini sa komunidad.
Ang Queenbank ginarehistro ug ginaregulate sa Bangko Sentral ng Pilipinas ug miyembro sa Philippine Deposit Insurance Corporation, Chamber of Thrift Banks, ug Florete Group
