BUTUAN CITY- Naka-angkon og P135.3 milyon nga kantidad sa kadaot ug pagkalugi ang sektor sa agrikultura tungod sa kadaot sa miaging bagyong Maymay, bagyong Luis ug hanging habagat.
Base sa nagpadayon nga damage assessment sa regional offices sa Department of Agriculture kon DA, natala ang mga kadaot sa agrikultura sa Ilocos Region, Central Luzon, Calabarzon, Mimaropa ug Western Visayas, kung asa na-apektuhan ang kapin 4,000 ka ektarya sa agricultural areas.
Pinakagrabe nga naka-angkon og kadaot ug pagkalugi sa mga commodities mao ang bigas, mingsunod ang mais, high-value crops, livestock ug poultry, ingon man ang mga pasilidad sa irigasyon, machines ug equipment.
Nagresulta usab ang kadaot sa mga kalamidad sa 4,465 ka metrikong tonelada sa production loss. Isip tubag, sigon sa DA posibleng mag-avail ang mga apektadong mag-uuma og P106.5 milion nga kantidad sa farm inputs sama sa bugas, mais ug binhi og mga gulay.
Posible usab nga mag-avail ang mga niini og hangtud P25,000 loan gikan sa Survival and Recovery Loan Program sa Agricultural Credit Policy Council.
