BUTUAN CITY – Gipahunong ni Impeachment Court presiding judge Chiz Escudero si House Prosecutor Leila de Lima atol sa iyang opening statement human kini gibaraw og pipila ka higayon ni defense counsel Michael Poa tungod sa paglapas sa palisiya sa korte.
Nasayrang adiser nagsugod sa iyang pamahayag si de Lima, gipasidan-an na kining daan ni Escudero nga ang paghimo og kongklusyon kalabot sa kamatu-uran ug balaud nga daan na nilang nasabutan human gi-isa sa depensa sa mi-aging mga pagdungog nga gisuportahan usab sa pipila ka mga senator-judges.
Ang pasidaan ni Escudero, gipaboran usab ni defense counsel Michael Poa.
Ang pasidaan ni presiding officer Chiz Escudero ug pagpabor ni defense counsel Michael Poa.
Dinhi na gisugdan ni de Lima ang iyang litanya kondiin gipadayag niini nga sa limitadong budget sa gobyerno, kinahanglang magdaginot ang tanan sa paggasto.
Gipunting niya ang confidential funds nga alang sa sensitibo ug surveillance-related activities aron suportahan ang mandato sa mga civilian agencies.
Apan dihang nag-side comment na si de Lima, dinhi na siya gibaraw ni Atty Poa nga gipaboran usab ni Escudero dayong mando nga i-strike off the record ang maong pamahayag.
Daling gipalagan ni Poa ang pag-strike off the record sa pamahayag ni De Lima tungod kay ang kamatu-uran, mabungat na ug nadunggan na ang maong mga pamahayag nga balik-balik na matud pang nahitabo kansa dili patas.
Dinhi na subling gipahimangnuan ni Escudero si De Lima nga dili na himuon ang susamang sayop apan dihang gibalik na usab ni De Lima ang paglapas sa palisiya, dinhi na siya gipa-undang sa iyang opening statement.
