BUTUAN CITY – Lima ka mga nahabiling miyembro sa rebeldeng grupong New People’s Army kon NPA-Northeastern Mindanao, nga nag-operate sa Caraga Region ang na-neutralize human ang sunod-sunod nga engkwentro sa Barangay Bugas-Bugas, lungsod sa Placer, Surigao del Norte.
Gilusad sa hini-usang sakop sa 30th Infantry (Fight On) Battalion, 901st Infantry Brigade, ug intelligence units ilawom sa 4th Infantry (Diamond) Division ang operasyon sugod niadtong Biernes, Hunyo 13 hangtud kagahapong adlawa Dominggo, Hunyo 15.
Unang napatay si Roderick Maco Bensing, alyas Rodel, ang top leader sa maong grupo dinhi sa Caraga Region uban ang laing duha niya ka mga skakop apil na si Liezl Dagohoy Mondejar, kinsa namatay sa ospital tungod sa mga critical injuries.
Sigon ni Second Lieutenant Allen Villavicencio, ang platoon leader sa 30IB, Second Lieutenant Allen Villavicencio, natigayon ang unang engkwentro pasado alas-otso kagahapon sa buntag nga miresulta sa pagkarekober sa usa ka patay’ng lawas.
Ang ikaduhang combatant nga usa ka babaye, napalgan nga grabeng angol hinungdan nga gidala sa ospital, apan namatay ra usab. Pagka-alas onse na sa buntag natigayon ang ikaduhang engkwentro kondiin laing patay’ng lawas ang napalgan.
Samtang ning mi-aging adlaw, mitahan si Ricky Per, alyas Rem kinsa taas nga NPA leader usab ning rehiyon kondiin iyang gi-turn over ang usa ka .45 nga kalibreng pistola dayong tudlo sa kasundaluhan sa usa ka arms cache, nga miresulta sa pagkarekober sa iyang usa ka M16 rifle, usa ka rifle grenade, mga bala ug mga magazines, bandoliers, ug mga mobile phones.
Nadakpan usab nila ang laing NPA member nga si Allan Cacatian kinsa naila usab nga si alyas Allen.
Natigayon ang sunod-sunod nga engkwentro tungod sa gilusad nga security operation nga nakapadismaya sa recovery attempt sa NPA nga subling makuha ang kontrol sa Surigao del Norte, kansa nadeklara nang insurgency-free. Ang subling kapalpak sa mga rebelde maoy nag-highlight sa commitment sa mga lokal nga komunidad ug sa security nga mapreserba ang kahapsay ug kalinaw sa maong mga lugar.
