BUTUAN CITY – Gi-angkon og nangayu og pasaylo si Microsoft co-founder Bill Gates sa mga personahe sa iyang charity foundation tungod sa pagkalambigit sa iyang pangalan sa kontrobersyal nga Epstein Files diin gi-angkon niini ang iyang extramarital affairs apan hugot nga gilimod ang partisipasyon sa mga krimen sa mitaliwang sex offender nga si Jeffrey Epstein.
Sa usa ka town hall meeting kauban ang Gates Foundation staff, gipahayag ni Gates nga usa ka dakong kasaypanan ang iyang pakig-alayon sa disgraced financier sukad niadtong 2011.
Migawas ang pangalan sa 70-anyos nga tech titan sa mga dokumentong gipagawas sa US Justice Department.
Base sa usa ka draft email gikan kang Epstein, gi-akusahan niini si Gates sa pakigrelasyon sa duha ka babayeng Ruso, nga gikumpirma usab sa bilyonaryo.
Bisan paman, gidepensa ni Gates ang iyang kaugalingon batuk sa mga ilegal nga aktibidad.
Namatay si Epstein sa sulod sa iang selda sa New York niadtong 2019 samtang gipaabot ang pagtaral sa kasong sex trafficking sa mga menor de edad.
