BUTUAN CITY – Gikumpirma ni Major Joe Patrick Martines, tigpamaba sa 4th Infantry Diamond Division, Philippine Army nga 17 ka kasong murder ang gi-atubang sa taas nga lider sa New People’s Army kon NPA nga napatay sa engkuwentro nga natigayon sa Sitio Tacocon, Kasapa II, lungsod sa La Paz, Agusan del Sur.
Giila sa opisyal ang namatay nga si Bonifacio Lutawan alyas Ka Tado, commanding officer sa Regional Operation Command sa North Central Mindanao Regional Committee og residente sa Malaybalay, Bukidnon.
Sumala ni Major Martinez nga base sa ilang pag-check sa background sa napatay nga rebelde, nag-atubang kini og 17 ka kasong murder sugod pa niadtong 2022 diin sagad sa mga gipatay mga lumad nga taga Agusan Del Sur og Bukidnon nga wala misugot nga mosampa sa kalihukan.
Tungod niini gikumpirma ni Major Martinez nga hapit na gayud mabungkag ang nasangpit nga grupo diin 27 nalang ang ilang gigukod nga nahimutang sa bukidnon samtang 20 usab sa Agusan Del Sur.
Una nang gisaysay sa opisyal ang panghitabo hangtud nga misangpot sa pagkapatay sa taas nga lider sa NPA.
Sigon sa opisyal nga dunay nasigpatang mga tawo sa Kasapa II, lungsod sa La Paz, Agusan del Sur nga nangompra og pagkon rasong gilusad ang dakong operation nga misangpot sa engkuwentro niadtong unang semana sa Pebrero.
Apan imbes nga mobiya ang grupo sa maong lugar nasuta nilang wala kini mibiya hangtud nga dunay miulbo nga engkuwentro niadtong Pebrero 15 diin na-corner sa mga sundalo og napugos sa pagbilin sa patay’ng lawas lakip na ang armas niini.
Pinaagi usab sa mga kanhe rebelde, nailhan ang napatay nga rebelde.
