Nesthy Petecio, sulod na sa quarterfinals sa women’s 57 kilogram human gipildi ang pambato sa France

BUTUAN CITY – Sulod na sa quarterfinals sa women’s 57 kilogram divisioin si Pinay boxer Nesthy Petecio human giparot si Amina Zidani sa France sa Round of 16 pinaagi sa majority decision. 

Sa unang round, gikuptan ni Zidani ang labaw apan pagsulod sa second round, tunga ang gihatag nga puntos sa mga judges. 

Wala pasagdi ni Petecio nga masayang ang iyang paningkamot rason nga pagsulod sa third round, gipa-ulanan niya og nagpungasing kinomo ang boksingero sa France. 

Aminado ang Tokyo Olympics silver medalist nga naglisod siya sa away tungod kay duna’y ilang mga plano nga wala musalir  sa last round. 

Nagpasalamat siya sa mga Pinoy fans nga mitan-aw sa iyang away.