BUTUAN CITY – Giklaro ni National Bureau of Investigation Director Melvin Matibag nga walay kalabutan ang pagdakop kang kanhi Ako Bicol Party-list Representative Elizaldy Co sa red notice sa Interpol.
Sumala sa NBI chief, nadakpan ang kanhi kongresista tungod sa paglapas sa immigration laws.
Nagpahayag usab ang NBI nga andam sila kung ipamando ang pag-repatriate kang Co pabalik sa Pilipinas gikan sa Czech Republic.
Sa pagkakaron, gibutyag ni Matibag nga hugot ang koordinasyon sa gobyerno sa Pilipinas ug sa gobyerno sa Czech Republic aron masiguro nga masunod ang tanang legal nga proseso ug mapadali ang pagpauli ni Co sa nasud.
Una nang gikumpirma ni Department of the Interior and Local Government (DILG) Secretary Jonvic Remulla, nga kasamtangang gitanggong si Co sa usa ka immigration detention facility ug posible siyang mabalik sa nasud sulod sa usa ka semana hangtod usa ka bulan.
