-- ADVERTISEMENT --
BUTUAN CITY – Pursigido ang National Food Authority (NFA) nga makapalit og hangtod 790-mil metrikong tonelada sa palay gikan sa mga lokal nga mag-uuma karong season.
Sumala kang NFA Administrator Larry Lacson, tumong nila nga makuha ang dili moubos sa 40% niini, ug posible pa nga mosaka hangtod 50%.
Dungan niini, gipataas sa NFA ang buying price ngadto sa 26.00 pesos hangtod 30.00 pesos kada kilo, mas taas kumpara sa hanyag sa mga trader.
Matod sa ahensya, igo kini aron masiguro nga makaginansya ang mga mag-uuma, nga adunay gibanabanang production cost nga 15.00 pesos hangtod 16.00 pesos kada kilo.
Kini usa ka lakang sa gobyerno aron suportahan ang lokal nga produksyon ug mapugngan ang pag-ubos sa presyo sa palay.
-- ADVERTISEMENT --
