National Day of Remembrance for road crash victims, survivors and their families, gihimo sa Butuan city

BUTUAN CITY – Gitumbok ni Eldie David, tigpamaba sa City Transportation and Traffic Management Department kun CTTMD-Butuan ang kamahinungdanon sa gipahigayon nga National Day of Remembrance alang sa mga biktima sa disgrasya sa kadalanan lakip na ang mga survivors og ilang pamilya.
Nasayrang gihimo kini sa nakalabay nga adlaw sa SM Mall ning siyudad sa Butuan. Sumala pa ni David, sa pinakaunang higayon, gihimo sa lokal nga kagamhanan ang maong kalihukan nga nagpahinumdum kung unsa ka mahinungdanon ang kinabuhi nga kinahanglan natong atimanon dayung tumbok kanunay sa road safety.
Dugang pa sa opisyal nga ang pag amping sa road safety dili lang pinaagi sa paningkamut sa gobyerno kundili lakip ang katawhan sa komunidad. tol sa kalihukan, gi-emphasize usab ang dili maayong epekto sa mga road crashes sa surviving families lakip sab mga indibidwal nga naka survive sa unsa mang mga disgrasya.
Pinaagi sa National Day of Remembrance, magsilbi usab kining panawagan aron hingusgan ang paningkamut nga mamenusan ang mga road casualties ug pagpatuman sa mga preventive measures. Dinhi sa Butuan, dili ikalimod nga daghan ang mga gakahitabong aksidente.
Gane base sa datus, na-obserbahan nga mas daghang disgrasya sa dalan sa panahong uga ang kalsada tungod matud pa sa pagka-kampante sa drayber. Gane gitumbok niini ang pagsoot gayud sa helmet aron preparado kanunay ang rider sa iyang pagbiyahe.
Tungod niini, regular nga himoon usab sa City Transportation and Traffic Management Department ang Road safety education program kada semana, aron ma-edukar ang mga estudyante nga bag-o pang nahibalo sa pagmaneho sa ka-importante sa road safety
Nasayran nga sa maong kalihukan, nahimong unod usab sa mensahe ni Vice Mayor Lawrence Fortun pinaagi ni Konsehal Joseph Omar Andaya, nga angayan lamang usab nga dumdumon ang mga nahimu sa mga rescuers nga miresponde sa mga gakahitabong road crashes.