BUTUAN CITY– Mingsaka na sa 68 ang kumpirmadong ihap sa mga namatay usa ka simana human ming-igo ang magnitude 7.8 nga lindol sa Mindanao.
Sa situational report gikan sa National Disaster Risk Reduction and Management Council kon NDRRMC kagahapon Martes, Hunyo 16, ming-abot na usab sa kapin 330,000 ka pamilya o bugti sa kapin 1.3 milyon ka indibidwal ang apektado.
Sa nahuisgutang ihap, anaa sa kapin 4,400 ka pamilya o kpain 18,000 ka indibidwal ang temporaryong nagpabilin sa mga evacuation centers.
Kapin 67,000 ang mga nadaot nga panimalay sa Region 9, Region 11, Region 12 ug sa Bangsamoro Autonomous Region in Muslim Mindanao (BARMM). Sa maong ihap kapin 12,000 ka balay ang hingpit nga naguba samtang kapin 55,000 ang slightly damage.
Base usab sa damage assessment sa imprastruktura tungod sa makalilisang nga linog, mingsaka na ang ihap sa damyos sa kapin P148 million. Natala ang mga kadaot sa Region 6, 11, 12 ug Bangsamoro.
Padayon usab ang paghatud sa gobyerno og tabang alang sa mga pamilyang nanginahanglan og assistance, sa mga lokal nga panggamhanan ug regional agencies.
