BUTUAN CITY – Tumang kalipay ang gibati sa usa ka nabuta nga OB-Gynecologist human nga usa siya sa mga swerteng nabunutan nga midaog sa limited commemorative radio set nga gipanghatag sa Bombo Radyo Philippines isip handumanan sa ika-55 ka tuig niining anibersaryo karong adlawa.
Sa iyang pag-claim sa iyang pahalipay kaganina, gipadayag ni Dr. Vivian Aliño nga taga-Brgy. Baan Km. 3 nga dako ang iyang kalipay nga usa siya sa mga nakadaog tungod kay ang radyo usab na iyang nadag-an ning sibyahan sa mi-aging promo naguba rason nga nanghulam na lang siya og radyo aron duna’y kalingawan sa pagpaminaw.
Dako ang iyang pagpasalamat nga apil siya sa mga nagrasyahan alang sa gipanghatag sa Bombo Radyo Philippines network nga ‘Radyo Para sa mga Filipino’ ilabina nga duna pa kini 200-pesos nga pakaping cash.
Iya usab nga gipasabot nga ang iyang pagkabuta, mugna sa pagkaguba sa cells sa iyang retina nga naguba 15 ka tuig na ang nakalabay. Kini iya matud pang napanunod sa genes sa iyang kabanay.
