BUTUAN CITY – Hingpit nang nahulog sa mga kamot sa balaod ang Most Wanted person ning siyudad sa Butuan ug nagtago-tago sulod sa 19 ka tuig.
Kini human sa gihimong pag-aresto sa nakalabay nga alas 4:30 sa hapon sa may Brgy. San Vicente Mexico, Pampanga sa suspek nga si Ruben C Cuenca, 42-anyos, residente sa Purok 2A, Holy Redeemer, Butuan City ug kasamtangang nagpuyo sa Purok 3, San Vicente, Mexico, Pampanga kansa wanted sa kasong murder.
Niadtong tuig 2001, usa ka Mr. Aranas, City Sheriff ang napatay atol sa implementasyon sa Court Demolition Order sa J Satorre, Holy Redeemer batuk sa illegal nga nanimuyo.
Nailhan ang suspect nga si Cuenca rason sa gipalusot nga warrant of arrest nga dunay petsang Abril 20, 2004, sa kasong ” Murder”ilalom sa Criminal Case No. 8807 diin walay piyansa nga girekomenda ni Hon Judge GODOFREDO B. ABUL, JR presiding judge sa RTC, 10th Judicial Region, BRANCH 4.
Sigon ni Police Captain Romeo A Sentinta Jr, Station Commander sa Butuan City Police Station kon BCPS-2, nakadawat ang station og masaligang impormasyon mahitungod sa nahimutangan sa suspect.
Gelayon silang nakig-alayon sa PNP counterparts sa 305th Company, Regional Mobile Force Battalion 3, Regional Intelligence Unit 3 sa Pampanga ug Mexico Municipal Police Station.
Human nakumpirma ang impormasyon, gelayong gilusad ang hiniusang police operation nga miresulta sa pagkasikop sa suspetsado.
