BUTUAN CITY- Mingsaka na sa 38 ang ihap sa mga nangawala human ming-igo ang magnitude 7.8 nga linog sa pipila ka parte sa Mindanao, gikan sa kanhi 31, samtang nagpabilin sa 47 ang kumpirmadong napatay sukad niadtong huwebes sa gabie, sumala sa Office of Civil Defense kon OCD.
Sigon ni Civil Defense Deputy Administrator Bernardo Rafaelito Alejandro IV, nadugangan ang ihap sa mga missing human makadawat og bag-ong tah gikan sa Glan, Sarangani ug General Santos City.
Padayon usab nga giberipika sa Department of Health ug Department of the Interior and Local Government ang ihap sa mga namatay aron matandi kini sa uban pang taho sa panggamhanan.
Giklaro ni Alejandro nga ang data sa OCD ming-agi sa hugot nga double-checking aron malikayan ang doble nga ihap o ang pag-taho sa mga nawala isip patay.
Samtang, ang mga baybayon sa Glan, Jose Abad Santos sa Davao Occidental, ug Balut Island nagpabilin nga lisod maabot tungod sa mga pagdahili sa yuta tungod sa linog.
Padayon usab ang clearing operations sa Department of Public Works and Highways samtang minggamit ang mga awtoridad og helicopter ug mga sakyanang pandagat aron mahatod ang tabang sa mga apektadong komunidad.
Sigon sa OCD nga susihon una ang sitwasyon sa mga lugar adiser magdesisyon kung ipadayon ang search and rescue operations o mobalhin na sa retrieval operations sa sunod nga mga adlaw.
