BUTUAN CITY- Gipildi sa Milwaukee Bucks ang Memphis Grizzlies sa skor nga 131-115, sa ilang away sa Fiserv Forum, Milwaukee.
Taliwa sa subling pagkawala ni Giannis Antetokounmpo tungod sa injury,gipangunahan ni Ryan Rollins ang Bucks nga adunay 24 puntos, samtang mingtampo usab sila si Cormac Ryan og 21 puntos, Myles Turner og 19 puntos ug 11 karebounds, ug Taurean Prince nga mingtala og 19 puntos gikan sa perpektong shooting.
Samtang, nagtala si Rayan Rupert sa Grizzlies og pinasahing triple-double nga adunay 33 puntos, 10 ka rebounds, ug 10 assists, apan wala kini nahimong igo aron mapugngan ang lig-on nga opensa sa Milwaukee.
Napildi ang Memphis sa ika-upat nga sunod nga dula ug 17 ka higayon sa 19 ka away, samtang ang Bucks nakabalik sa kadaugan human ang duha ka sunod-sunod nga kapildihan.
Ang kadaugan pamatuod sa abilidad sa Milwaukee nga mag-adjust bisan wala ang ilang primary player, samtang padayon usab nga nagliod ang Grizzlies tungod sa sunod-sunod nga injuries sa ilang roster.
