BUTUAN CITY-Gikatakdang mobalik ang Philippine tennis star nga si Alexandra ”Alex” Eala sa Mutua Madrid Open sa Spain human ang sunod-sunod nga kapildihan niini sa iyang clay-court campaign.
Ang world No. 45 nga si Eala gikatakda nga moapil sa iyang ikatulong clay tournament sugod Abril 21, 2026. Tumong karun sa 20-years old nga si Eala nga makabawihuman sa pagkahagsa sa Linz Open ug Stuttgart Open. Sa Stuttgart Open, napildi si Eala sa Filipina-Canadian player nga si Leylah Fernandez sa iskor nga 1-6, 4-6. Taliwala sa kapildihan, nakadani kini og atensyon human mingsulay nga mobawi sa second set kinsa nakapaduol sa iyang iskor adiser subli nga mingadog si Fernandez.
Sa wala pa kini, napildi usab si Eala sa Round of 16 sa Linz Open batok kang Jelena Ostapenko sa iskor nga 4-6, 5-7, human sa iyang miaging kadaugan sa unang round. Bisan pa sa mga kapildihan, nakakuha gihapon kini og premyo nga €11,309 o gibana-bana nga P797,000 sa Stuttgart Open. Gidayeg usab sa kampo ni Fernandez, ang determinasyon ni Eala nga dili basta-basta mo-give up sa usa ka duwa, labi na sa iyang paggukod sa ikaduhang set.
Ang Madrid Open gi-ila nga usa sa pinakadako nga WTA 1000 tournaments sa clay surface, kung asa tumong ni Eala nga makabawi ug mabalk ang iyang maayo nga posisyon.
