BUTUAN CITY – Maghatag og duha ka adlaw nga libreng sakay ngadto sa mga magtutudlo ning siyudad sa Butuan ang mga tricycle drivers ug operators nga sakop sa Butuan City-Wide Tricycle Transport Cooperative kon BCWtTransco karong Oktubre 4 ug 5, adaw’ng Miyerkules ug Huwebes.
Kini isip ilang tribute ngadto sa mga magtutudlo subay sa pagsa-ulog sa World Teacher’s Day tungod sa ilang dakong papel sa edukasyon ug sa komunidad.
Sa eksklusibong pakighinabi sa Bombo Radyo Butuan, gipadayag ni Richie Ravelo, presidente sa Eastern Suburb 4-seater Tricycle Operators and Drivers’ Association kon Eastern SUburb 4-seater TODA, pagsanong usab nila kini sa hangyo sa Department of Education-Butuan City Division.
Subay niini, iyang gihangyo ang iyang mga ka-ubanang tricyce drivers nga musunod sa maong kalihukan tungod kay talagsa lang kiing mahitabo ug isip pasalamat na usab sa nila sa mga magtutudlo.
