BUTUAN CITY – Kapin sa 300 ka mga survivors sa magnitude 6.7 nga linog niadtong Pebrero nga mitay-og sa Surigao City ang napa-ilalom sa psychosocial support sessions nga gipangunahan sa usa ka non-government organization uban sa mga volunteer doctors gikan sa Psychological Association of the Philippines kon PAP.
Apil sa mipa-ilalom sa maong mga sessions ang mga hamtong og mga bata gikan sa Surigao City og pipila ka mga lungsod sa Surigao del Norte sa ingon, makarekober sila gikan sa ilang nasinatiang trauma.
Apil sa ilang gihimo ang mga group activities, individual sharing, psycho-education og referral alang sa ilang treatments.
Ning mi-aging semana, nagpahigayon usab og susamang psychosocial sessions ang ga volunteers gikan sa usa ka university sa Cebu City uban usab sa pakig-alayon sa PAP.
Mahinumdumang ang linog daw naghimong war zone ilabina sa Surigao City tungod sa mga tulay nga nadamyos og sa mga nahugnong kabalayan og mga dakbalay hinungdan sa tumang kalisang nga gibati sa mga tawo. (Beth Ruiz)
