BUTUAN CITY – Pakyas nga makalusot sa U.S. House of Representatives ang Democratic-led resolution nga nagtumong nga pug-ngan ang military operations sa Iran gawas lang kung mosugot una ang Kongreso.
Sa botong 212-212, wala napalabang ang sugyot nga nagtumong nga limitahan unta ang gahum sa administrasyon ni U.S. President Donald Trump.
Tungod sa simple majority requirement, wala kini mipasar tungod sa maong boto.
Kini na ang ikatulong higayon karung tuiga nga gisulayang babagan sa mga magbabalaod ang military operation sa Iran. Una kining nalatid sa 60 ka adlaw nga deadline niadtong Mayo 1.
Una nang gideklara ni Trump nga ang ceasefire “Terminated” na sa kasamtangang giyera sa Iran.
Mas dikit usab ang nahimong mga botohay sa Senado diin na-block ang usa ka war powers resolution sa 50-49 nga boto niadtong Miyerkules, human misuporta ang tulo ka Republicans kauban ang halos tanang Democrats gawas sa usa ka miyembro niini.
