BUTUAN CITY- (Kini nga impormasyon adunay SENSITIBONG UNOD) Gikomperma sa National Bureau of Investigation kon NBI nga ang videong gi-ingong pamahayag Vice President Sarar Duterte kalabot sa hulga batok kang President Ferdinand Marcos Jr., authenticated, wala matud pa gi-utro, wala gi-putol ingon man wala usab gi-edit. Sumala ni National Bureau of Investigation Official John Mark Calilung, nga ang maong video min-agi sa pila ka Science ACE Examination aron masiguro nga ang mga niini mismong record sa pagpanghulga ni Vice President Sara Duterte.
Atol usab sa maong hearing gibutyag sa NBI nga ang maong pamahayag mailang inciting to sedition ug grave threat. Ang isyung gi-ingong assassination threat batok kang President Marcos Jr. ug uban pang mga opisyal, lakip sa mga sentrong alegasyon sa Impeachment Complaint batok sa Bise Presidente. Samtang gipagawas usab sa House Committee on Justice kagahapong adlawa ang bag-ong mga serye sa video sa daw pagpanghulga ni Vice President Sara.
Sa nasangpit nga video madungog ang daw pamahayag sa Bise Presidente kansa gusto matud pa niini nga putlon ang ulo sa usa ka tao. Gikomperma usab sa NBI nga ang gitombok sa maong hulga, walay laen kundi si President Ferdinand Marcos Jr. Gipresenter ang maong materyal isip dugang detalye sa gihimong hearing sa committee.
Sa ming-sunod usab nga video, gipakita ang video ni VP Sara nga nagbutyag nga gusto niining pitlokon o li-ogon ang usa ka tao. Sama sa nag-unang video, gikomperma usab sa National Bureau nga si President Marcos Jr ang gitumbok ni VP Sara Duterte. Ang maong video adunay lima ka clip sa pagpanghulga ni Vice President Sara Duterte sa kinabuhi ni President Ferdinand Marcos Jr.
