BUTUAN CITY – Mibiyahe padulong sa Kyiv, Ukraine ang mga prime ministers sa Poland, Slovenia ug Czech Republic diin ilang nahimamat si Ukrainian President Volodymyr Zelensky.
Namulong si Slovenian PM Janez Jansa ngadto sa katawhan sa Ukraine kondiin iyang gibutyag nga wala sila mag-inusara tungod kay ang ilang giyera, giyera usab sa Slovenia dayong saad nga mulampos sila
Samtang gipadayag usab ni Czech PM Petr Fiala nga ang katawhan sa Ukraine nakig-away alang sa ilang kinabuhi ug kagawasan kansa mao usab karon ang gi-asdang sa ilang nasud.
Gipadayag pa ni Fiala ang iyang pagdayeg sa ka-isog sa mga Ukrainians dungan sa pagsaad nga ilang ipadayon ang paghatag og dugang ayuda ug suporta ug gitapos ang iyang pulong sa pagsulti nga ang katambayayong sa katawhan sa Ukraine ang Urupa.
Gisinggit usab sa duha ka mga lider sa pinulungang Ukrainian, ang “Glory to Ukraine”.
Ang ilang pagbisita mao ang una gikan sa bisan kinsang langyaw’ng lider ngadto sa Ukraine sukad gisugdan sa Russia ang pag-ukupa sa maong nasud ning mi-aging buwan.
