BUTUAN CITY – Malampusong napahigayon kaganinang buntag sa eco-park sa Tubay, Agusan del Norte ang tree-planting ug tree-growing activity pagpanguna sa Parole and Probation Authority kon PPA-Caraga Region.
Ang nasangpit nga kalihukan gisalmutan sa tanang mga parolado ug mga probationers sa Agusan del Norte ug ning siyudad sa Butuan uban sa mga personahe usab sa Community Environment and Natural Resources Office kon CENRO-Tubay.
Sa eksklusibong pakighinabi sa Bombo Radyo Butuan, gibutyag ni PPA-Agusan del Norte chief Dennis Suknit nga dako ang iyang pagpasalamat nga nahimo silang kabahin sa maong kalihukan ilabina ang pagpatubo gyod sa gipangtanom nilang mga kahoy.
Kini tungod kay dili lang kini maka-ayo karon nga henerasyon kondili sa umalabot pang mga henerasyon.
Samtang giklaro usab ni Parole and Probation Authority kon PPA-Caraga regional director Lina Burdeos nga hini-usang programa sa ilang buhatan ug sa lokal nga kagamhanan sa Tubay, Agusan del Norte ang ilang gipahigayong tree-planting ug tree-growing kansa civic duties matud pa sa mga parolees ug mga probationers isip ila usab nga community service.
Adiser matud pa ang pagpananom, duna una’y gipirmahang Memorandum of Agreement kon MOA tali sa ilang buhatan ug sa lokal nga kagamhanan sa Tubay aron ma-atiman usab ang ilang mga gipangtanom hangtud sa tulo ka tuig diin masigurong mabuhi na ang mga niini.
Samtang gibutyag usab ni CENRO-Tubay Ruel Efren nga tumong sa tree-planting ug tree-growing activity nga hingpit nang mapuno sa kahoy ang eco-park aron magamit sa umalabot nga henerasyon.
Dugang pa sa opisyal, nagkada-iyang indigenous species sa kahoy ang gipangtanom aron mabalik ang kalunhaw sa palibot rason nga dili nila biyaan ang ilang gipangtanom nga mga kahoy hangtud nga dili masigurong mabuhi na kini.
