BUTUAN CITY- Gipasabot sa kadumalahan sa dakbayan sa Butuan ang gihimong kabag-ohan diha sa skedyul sa temporaryong pagsirado sa mga sementeryo ning syudad.
Una nang gitaho nga sa Nobyembre Uno ug Dos lamang isirado ang mga sam-ang ning syudad.
Apan sa bag-ong gipagawas nga pamahayag sa kadumalahan ,isirado na ang mga sementeryo sugod karong adlawa Oktubre 29 hangtud Nobyembre 2, 2021.
Sa pakighinabi ning sibyahan gipasabot ni Michiko De Jesus information officer sa LGU-Butuan nga kini base na usab gipagawas nga advisory sa Department of Interior and Local Government (DILG) sa tanang LGU.
Sumala ni De Jesus ulahi nilang nadawat ang maong EO sa DILG ug una nang nakapagawas og kamanduan nga isirado ang mga sam-ang.
Apan gipasabot niin nga gituman nila karon ang advisory sa DILG nga sirado ang mga sementeryo karong Oktubre 29 hangtud Nobyembre 2, 2021.
Kini gihimo aron malikayan ang daghang tapok sa mga tao nga mobisita sa sementeryo nga mao unya ang hinungdan sa pagsaka na usab sa mga kaso sa COVID-19.
Apan bisan sirado ang mga sementeryo gitugutan ang pagpahigayon sa lubong sa nasangpit nga mga adlaw. Giawhag usab ang katawhan sa pagsunod kanunay sa health protocols ug magpabakuna.
