BUTUAN CITY – Gikumperma ni Indigenous Peoples Mandatory Representative (IPMR) Datu Marcos Bocales nga mukabat sa 30 ka mga tribung pamilya sa Brgy Simowao ug Km 9 Emerald sa Brgy Diatagon lungsod sa Lianga, Surigao del Sur ang mihikling ug pugos nga gibiyaan ang ilang mga panimalay mugna sa pagpang-harass sa mga rebeldeng New People Army sa lugar.
Sa pakighianbi sa Bombo Radyo Butuan gipadayag ni Datu Bocales nga gibabagan matod pa sa mga walhong grupo ang mga programa ug pagpanghatag sa kaayuhan sanglit kung magmalmpuson ang tribu walay na matod pay malihukan ang mga rebeldeng grupo rason sa pagpangbuhat og mga kahadlok ug hulga sa lugar.
Sumala ni Datu Bocales duna matod pay sulat nga gipadala ang rebeldeng grupo nga dunay idamay nga sibilyan kung dili mubakwit ang mga niini rason nga mi-abiso na lang usab ang militar nga ipakanaog ang mga residente.
Gibutyag usab niini nga dunay mga propaganda ang gipagawas sa mga NPA nga tungod matod pa sa mga militar nganong mihikling ang mga residente sa lugar.
Alayon niini gipadayag ni Datu Bocales nga hikayon na usab sa IPMR ang mamahimong ihanyag nga tabang alang sa mga mihikling nga tribu.
