BUTUAN CITY – Pasok na sa round of 16 ang South Korea human midaug sa ilang away sa score nga 2-1 kontra sa Portugal alang sa Group H sa nagpadayong 2022 FIFA World Cup sa Qatar.
Dominado sa ranked number 9 na Portugal ang dula kondiin naka-goal sila sa first half sa dula nga gipahigayon sa Education City.
Paglabay sa 27-minuto nanimalos ang South Korea pinaagi sa goal ni Kim Younggwon ug tungod sa hugot nga depensa sa duha ka koponan, natapos ang first half sa score nga 1-1.
Kontrolado pa gihapon sa Portugal ang dula sa pagsulod sa second half kondiin parehong nagbinayluay og mga players ang duha ka koponan.
Napasulod ni Hwang Hee-chan sa South Korea ang goal sa additional nga usa ka minuto sa 90 minutes regulations.
Bisan og pildi, sulod pa gihapon sa round of 16 ang Portugal tugod kay sila ang nanguna sa Group H nga duna’y 6-points nga gisundan sa South Korea nga duna’y 4 points.
Samtang pakyas pagsulod sa round of 16 ang Uruguay bisan og midaug sila 2-0 batuk sa Ghana alang gihapon sa Group H sa FIFA World Cup sa Qatar.
Unang nakatala og puntos alang sa ranked number 14 nga Uruguay si Giorgian de Arrascaeta sa away nga gipahigayon sa Al Janoub Stadium.
Pagsuldo sa second half, gipugos sa ranked number 61 nga Ghana nga matabla sa 1-1 ang dula apan subling nakasulod ang goal sa Uruguay.
Tungod sa goal difference , pasok na sa Round of 16 ang Portugal nga maoy nanguna sa Goup H tungod sa ilang seven points samtang ang South Korea maoy anaa sa ikaduhang puwesto nga duna’y 4-puntos.
Samtang bisan og gipildi sa Cameroon ang Brazil 1-0 sa Group G match sa nagpadayong FIFA World Cup 2022 sa Qatar, pakyas gihapon sila pagsulod sa Round of 16 tungod kay anaa man sa unang puwesto ang ranked number 1 Brazil sa Group G nga duna’y 6 points human sa ilang dula sa Lusail Stadium.
Bugtong si Vincent Aboubakar ang nakatala og goal sa katapusang minuto sa second half sa dula aron makuha sa ranked 43 nga Cameroon ang kada-ugan.
Nahatagan pa og red card si Aboubakar human niya gihubo ang iyang t-shirt samtang anaa pa sa sulod sa playing field ug tungod sa kada-ugan, maka-agbat sa Brazil ang South Korea alang sa Round of 16.
Apil sa nakasulod na sa round of 16 ang Switzerland human gipildi ang Serbia 3-2 sa Group G match kondiin hinay kaayo ang dula sa ranked 21 nga Serbia ug ranked 15 nga Serbia sa unang half sa dula nga gipahigayon sa Stadium 974.
Unang nakasulod ang goal ni Xherdan Shaqiri sulod sa 20-minutos sa dula ug paglabay sa 6-minutos, nanimalos usab ang Serbia pinaagi ni Aleksandar Mitvovic nga gisundan ni Dusan Vlahovic.
Mibanat gilayon ang Swiss team pinaagi sa goal ni Breel Embolo nga gisundan ni Remo Freuler aron makuha sa Swiss ang labaw nga 3-2.
Gikuptan na sa Switzerland team ang labaw hangtud nga wala na maka-goal ang Serbia sa katapusang segundo sa ilang dula.
Sunod nga maka-agbat sa Switzerland ang Portugal sa Disyembre 7 alang sa knockout stage.
