BUTUAN CITY- Hisgutan na sunod simana ang mga kontrobersyal nga pangalang gilambigit sa daw maanomalyang paggamit ni Vice President Sara Duterte sa iyang confidential ug intelligence funds kon CIF.
Lakip niini ang Mary Grace Piattos, Milky Sikuya, ug uban pang mga pangalan nga unang minggawas niadtong gi-imbistigahan sa House Committee on Public Accountability and Good Government ang intel fund sa Bise Presidente.
Sumala ni House Prosecutor Terry Ridon, tanang mga pangalang daw nagsilbing recipient o nakadawat og intel fund posibleng mogawas pag-usab sa paghisgot sa maong pondo nga anaa sa Article I sa Articles of Impeachment.
Ang pagpresenta matud pa niini hugot nga gipangandaman sa panel, kauban na ang mga ebidensiyang mingsuporta sa maong alegasyon.
Plano sa panel nga ipresenta ang mga taho sa Philippine Statistics Authority kon PSA, nga daw magpamatuod kung adunay ming-igting nga mga rekord alang sa maong mga pangalan.
Hisayran, una nang gisertipikahan sa PSA nga ang mga kontrobersyal nga pangalan walay database, ug walay mga birth records usab nga mingsporta sa posibleng kapanganakan sa mga niini.
Unang mingtumaw ang maong mga pangalan sa mga acknowledgment receipt nga gigamit isip suporta sa liquidation sa confidential funds sa Office of the Vice President kon OVP ug Department of Education kon DepEd ubos sa pagpangulo ni Vice President Sara Duterte.
