BUTUAN CITY – Mas gipa-simplify pa sa Butuan City Tourism Office ang mga kalihukan alang sa ika-72 ka tuig nga kasumaran sa Adlaw Hong Butuan karong Agusto 2 tungod sa hulgang hatud sa COVID-19.
Giklaro ni City Tourism officer-in-charge Evangeline Peña-Dominise sa eksklusibong pakighinabi sa Bombo Radyo Butuan nga buksan kini sa alas-siete sa buntag pinaagi sa misa-pasalamat sa may St Joseph Cathedral nga sundan sa paghalad og buwak sa lubnganan sa gibansagang ‘Father of Butuan City’ nga si late Congressman Marcos Calo.
Pagka-alas sais sa gabii, mao na ang Employees Night kondiin imbitado ang mga barangay kapitan.
Giklaro ni Dominise nga dili susama ka-bongga ang maong kalihukan sa nasaksihan atol sa Balangay festival niadtong Mayo diin duna’y mga konsyerto.
Gipakalma lamang una matud pa ni Mayor Ronnie Vicente Lagnada ang maong kalihukan karong tuiga tugod kay sa sunod tuig na planong i-full blast ang selebrasyon.
Hinuon giklaro sa opisyal nga karong Hulyo 29 hangtud Agusto 1, duna’y gihan-ay nga kalihukan kansa privately sponsored.
