BUTUAN CITY – . Na-file na sa fiscal’s office sa Tandag City lalawigan sa Surigao del Sur ang kasong paglapas sa Animals’ Welfare Act batuk sa tulo ka mga lalaking nag-transport sa nagkada-iyang klase sa mga wild iug exotic animals nga na-intercept sa checkpoint sa Brgy. Buenavista sakop sa maong siyudad ning mi-aging gabii.
Sigon ni Tandag City Police Office Chief LCol. Jeffry Mauricio, sakay sa Ford Everest og Toyota Innova ang maong mga mananap sama sa mga ihalas nga mga langgam, halas og uban pa.
Sa eksklusibong pakighinabi sa Bombo Radyo Butuan, gibutyag sa Col. Mauricio nga apil sa mga gikasuhan sila Dante Toledo, 40 anyos, residente sa Brgy. Kalumpang, General Santos City; Joel Demoral, 38 anyos, residente sa Bulua, Cagayan de Oro City; ug Jory Demoral, 51 anyos, residente sa Bankerohan, Davao City.
Sa nagpadayong imbestigasyon, apil matud pa sa ilang sutaon kung asa sa Davao Region naggikan ang maong mga ihalas nga mananap ingon man kung sa una ra nila kini gihimo nga modus apan karon langnaasapon ug kung sa unsang paagi nila kini gipangsikop.
Ang fiscal na matud pa ang magdesisyon kung mamahimo bang makapyansa ang mga suspek o dili apil na ang pagdesisyon kung angayan bang i-release nga mga sakyanan o kaha pabilin ba kining i-impound aron gamitong ebidensya sa maong kaso.
Dalhon usab sa Police Regional Office kon PRO-13 ang maong mga mananap aron i-turn over ngadto sa Department of Environment and Natural Resources kon DENR-Caraga alang sa tukmang disposasyon.
