BUTUAN CITY- Gitudlo sa International Criminal Court (ICC) si Judge Joanna Korner isip presiding judge sa Trial Chamber III nga mokupot sa kasong crimes against humanity batok kang kanhi President Rodrigo Duterte kalabot sa iyang kampanya batok sa ilegal nga droga.
Sa usa ka dokumentong adunay petsang Abril 29, gikomperma sa ICC Trial Chamber III nga si Korner ang napiling mangulo sa tulo ka-Judges panel. Ang desisyon gihimo pila ka adlaw human gimogna sa ICC Presidency ang maong trial chamber niadtong Abril 24.
Ang Trial Chamber III gimugna nila Korner, Judge Keebong Paek, ug Judge Nicolas Guillou ug kini pormal nang gimugna niadtong noong Abril 24 sa ICC Presidency aron taralon ang kaso batok sa kanhi Presidente. Si Judge Korner usa ka beteranong British judge nga adunay kapin 45 ka tuig nga kasinati-an sa natad sa criminal law. Nagsugod kini sa ICC Trial Division niadtong Marso 2021 ug magpabilin hangtud 2030. Adiser minglakip sa ICC, nagsilbi kini isip judge sa Crown Court sa England ug Wales, kung asa mingkupot kini og mga kasong kriminal sama sa murder ug fraud.
Nahimong parte usab kini sa International Criminal Tribunal for the former Yugoslavia isip senior prosecutor. Niadtong 2004, gipasidunggan kini sa Companion of the Order of St. Michael and St. George (CMG) isip pag-ila sa iyang serbisyo sa international law. Ang pagmugna sa Trial Chamber III ug pagtudlo og presiding judge gi-ila isip importante nga lakang sa pagsibog sa kaso batok kang Duterte ubos sa ICC proceedings.
