BUTUAN CITY – Gikumpirma sa mga Ukrainian intelligence officials nga nagplano ang mga membro sa inner circle ni Russian President Vladimir Putin pagpalagpot kaniya sa pwesto.
Gika-ingong usa ka grupo sa mga elilte ang nadismaya sa personal cost sa giyera tungod sa mga epekto sa mga sanctions ngadto sa mga Russians gawas pa sa kakulang sa kalambuan sa ground.
Gika-ingon nga ang plano sa cell mao ang pag-instalar kang spymaster Alexander Bortnikov hulip kang Putin.
Ang 70-anyos nga si Bortnikov, mao ang head sa internal spy agency nga FSB, ug usa sa mga closest advisers ni Putin ug gika-ingong namantsahan ang relasyon sa duruha human nga gibasol ang FSB sa mga palpak sa giyera apil na ang pag-underestimate sa kalig-on sa Ukrainian resistance ug pag-overestimate sa ka-epektibo sa Russian forces ug sa saboteur cells.
Nasayrang libuang mga Russian troops na ang napatay samtang nahunong usab ang ilang ‘special military operation’ sa pipila ka mga lugar sa Ukraine uban sa mga reports nga mi-ubos ang morale sa Russian troops tungod sa kakulang sa mga supplies ug minos nga mga logistics.
Base sa mga sources sa Kyiv, apil sa mga konspirasiyang gikonsidera sa pagtangtang kang Putin ang paghilo kaniya o kaha aksidenteng panghitabo.
Usa ka Western source usab ang nagbutyag nga duna’y mga pagdudang usa ka gamay nga grupo sa mga plotters ang naglikay na sa Russian president.
Sigon sa Ukrainian intelligence, tinguha sa cell ang ka-usaban sa liderato sa Russia sa labing daling panahon.
Nasayrang gitaktak ni Putin ang walo ka mga generals aron ma-divert ang pagbasol sa iyang kaugalingon tungod sa palpak nga giyera.
Ang paranoid nga lider nagpadayag sa katraydor matud pa sa mga tawo sa iyang palibot human gitu-uhan niyang nag-leak og impormasyon.
