BUTUAN CITY – Gikakurat sa mga Vietnamese lakip na sa mga Overseas Filipino Workers kon OFWs sa Vietnam ang pagkanaog sa puwesto sa ilang presidenteng si Nguyen Xuan Phuc.
Sigon ni Bombo International Correspondent Dahlia Nacor sa eksklusibong pakighinabi sa Bombo Radyo Butuan direkta gikan sa Vietnam, na-shock ang katawhan sa maong nasud sa maong balita ilabina kay na-atol kini sa pagsugod sa Tet Holiday o ang Vietnamese New year.
Kini ilabina nga wala direkta nga nalambigit sa kurapsyon ang presidente samtang naka-ani usab og pagsalig ang presidente tungod sa malampusong pagbatuk sa COVID-19 pandemic.
Pasabot pa ni Nacor, ang pagkanaog sa puwesto ni Nguyen, isip respeto lang usab human nga duna’y opisyal ilalom sa iyang kadumalahan nga nalambigit sa pagpanuhol sa pagpa-uli sa mga Vietnamese nga nagtrabaho sa ubang nasud atol sa COVID-19 peak lakip na sa pag-manufacture sa Covid-19 test kits kondiin ang nasangpit nga opisyal, mikanaog usab sa puwesto.
Alayon sa paghawa ni President Nguyen Xuan Phuc sa puwesto, apektado niini ang mga dagkong kompaniya ilabina kadtong mga langyaw nga imbestor apan gila-umang dili kini makatandog sa ilang ekonomiya ilabina nga gitudlo na nga acting president si Vice President Vo Thi Anh Xuan.
Bisan paman nga bakante ang puwesto sa pagka-pangulo hangtud matapos ang TET Holiday karung Enero 29, walay epekto gihapon kini sa national security tungod kay dunay mga kadagkuang opisyales man gihapon sa militar.
