BUTUAN CITY – Gikumpirma ni Atty. Tristan Niog, city election officer sa Commission on Elections kon COMELEC-Butuan nga kompleto na ang mga Automated Counting Machines kon ACMs ingon man mga ballot boxes nga gamiton sa May 12 national and local elections dinhi sa Butuan.
Sa eksklusibong pakighinabi sa Bombo Radyo Butuan, gibutyag sa poll officer nga muhimo na lang sila og checking adiser ipanghatud ang nasangpit nga mga gamit sa nagkada-iyang tunghaan ning siyudad nga maoy magsilbing voting center.
Gila-umang sa musunod nga mga eleksyon, himuon na usab kini sa ubang mga siyudad ning rehiyon tungod kay komportable man unya ang pagbotar sa mga botante, gawas nga hugot usab ang siguridad nga ipatuman sa mga mall guards ubanan pa sa mga security forces sa gobyerno.
Samtang gawas sa mga tunghaan, unang higayon usab karon nga eleksyon nga magpatuman og mall voting ang COMELEC-Butuan kansa pinaka-una dili lang dinhi sa siyudad kondili apil na sa tibuok Caraga Region.
Tulo matud pa ka mga clustered precincts ang mulangkob sa mall voting nga himuon sa SM City alang sa mga botante sa Brgy. Tandang Sora.
Magpasulod na matudpa ang kadumalahan sa mall sa insaktong alas-singko sa sayong buntag nadto sa alas-siete alang sa early voting sa mga senior citizens, persons with disabilities ug mga mabdos. Samtang gikan sa alas-siete sa buntag ngadto na sa alas-siete sa gabii, mao na ang normal voting.
