BUTUAN CITY – Malipayon gihapon ang mga Argentinians ug wala’y kalagot sa pagsa-ulog nila bisan og nagsunod lang sila sa Spain nga maoy mikampyon sa FIFA World Cup 2026 kaganina.
Sa eksklusibong pakighinabi sa Bombo Radyo Butuan direkta gikan sa Argentina, gipadayag ni Bombo international correspondent Jackielyn Felix nga dawat sa mga Argentinians ang kapildihan sa ilang national football team ilabina nga nakita nila ang paningkamot sa mga players aron unta maksamit ang back-to-back win sa nasangpit nga torneo.
Kamatu-uran niini, puno-puno ang kadalanan sa tanang lalawigan tungod sa ilang pagsa-ulog timaan nga wala’y kasakit sa kasing-kasing sa mga Argentinians tungod kay mas mipasulabi ang ilang pagka-proud sa ilang national football team.
Andam na usab ang gobyerno sa maong nasud alang sa pagpa-uli sa ilang football team ugmang adlawa kondiin sugaton gihapon og grand homecoming ang mga magdudula isip pasalamat sa ilang maayong performance sa nasangpit nga world cup karong tuiga.
