BUTUAN CITY- Walay nalapas nga bayulasyon sa balaod ang incumbent official sa Negros Oriental kansa nakita viral video nga nagpauwan og tinag 500 pesos nga kwarta sa mga supporters niini.
Sumala ni Comelec chairman George Garcia nga subay sa election laws sa COMELEC, dili pa cover ang maong lakang sa politiko sa mga ginadili sa ahensya ilabi na kay wala pa kini gikunsiderang kandidato og aspirant pa lamang kini tungod kay wala pa man nagsugod ang campaign period sa mga lokal nga elective post.
Apan taliwala pa man nga wala pay mahimo niini nang Comelec, mamahimo pa usab nga mapasakahan og reklamo ang maong opisyal pinaagi sa Department of Interior and Local Government kon DILG.
Lakip sa mamahimong maka file og kaso ang mga residente sa lugar asa gihimo sa maong opisyal ang pailog. Dugang na lamang ni Chairman Garcia nga ang mahimo na lamang sa mga tawo mao ang pag botar nga dunay kaalam.
