BUTUAN CITY – Pabiling positibo si Juvielyn Acevedo Barretta, residente sa Purok 3-C, Brgy. Poblacion, lungsod sa Cortes, Surigao del Sur nga luwas ra ang iyang ka-ipon human na-missing sukad pa niadtong Abril 4 sa alas-6:00 sa buntag, ang oras nga mibiya kini sa ilang panimalay aron managat.
Sa eksklusibong pakighinabi sa Bombo Radyo Butuan, gipadayag ni Barreta nga nanguna na pag-uli ang mga ka-ubanan sa iyang live-in partner nga si Jessil Sabaldan Cuarteron alyas Regan, 37-anyos, tungod kay nakasubit matud pa kini og dakong isda apan natingala na lang sila nga wala gihapon kini maka-uli.
Pagka-alas 5:00 sa hapon sa susamang adlaw, napalgan sa usa ka mananagat nga-Tandag City sa susamang lalawigan ang iyang panagatan didto sa Ayoki sa lungsod sa Cantilan apan wala siya niini rason nga gidala kini sa Tandag City.
Gitu-uhan no Barretta nga nakuratan sa iyang nasubid nga isda ang biktima og nadala kini rason nga padayon gihapon ang pagpanubay sa posibleng nadalhan niini.
