BUTUAN CITY- Nagpagawas og kamanduan ang Korte Suprema kansa nagmando sa Malacañang nga magkomento sa petisyon alang sa mandamus nga gipasaka ni kanhi House Speaker Pantaleon Alvarez.
Ang maong petisyon minghangyo nga obligahon si President Ferdinand “Bongbong” Marcos Jr. nga mopa-ilawom sa pisikal ug mental nga pagsusi, lakip ang hair follicle drug test. Lakip sa kamadoan sa petisyon ang direktiba nga ipagawas ug ipadayag sa publiko ang usa ka medical report nga unoran og resulta sa pagsusi, lakip ang klinikal nga kumpirmasyon saiyang pisikal ug mental nga abilidad sa pagtuman sa mga katungdanan isip Presidente.
Gihatagan og 10 ka adlaw nga walay extension ang mga respondent gikan sa oras sa pagdawat sa abiso aron magsumite sa ilang komento. Ang maong lakang sa Korte Suprema nagbukas og mas lawom nga hisgutanan kalabot sa transparency ug accountability sa pinakataas nga opisyal sa nasud, hilabi na taliwa sa mga panawagan alang sa mas klaro nga kasiguraduhan sa kahimsog ug abilidad sa Presidente.
