BUTUAN CITY – Migawas sa pagtuon nga ang pipila ka psychedelic drugs sama sa LSD ug magic mushrooms, makatabang sa uban nga mu-undang sa pagpanigarilyo.
Ang nicotine sa sigarilyo hilabihan la maka-adik mao nga lisod kaayo undangan ang panigarilyo, bisan og daghan ang gustong moundang apan gamay ra ang magmalampuson matag tuig.
Ang psychedelic drugs nagpabiling ilegal sa kadaghanang nasod sa kalibotan ug hugot nga gikontrol ang paggamit niini sa research ug clinical trials.
Bisan pa niana, nagkadaghan ang ebidensya sa mga nakagamit niini alang sa pagtambal sa nagkalain-laing kondisyon sa mental health ug mga addiction.
Wala nay bag-ong tambal para sa smoking cessation nga na-aprubahan sa Estados Unidos sulod sa 20 ka tuig, mao nga makapadasig ang potensyal niini.
