BUTUAN CITY – Gikumpirma sa National Bureau of Investigation kon NBI nga mibiya sa nasud niadtong Agusto 2 ang mag-inahang Batangas 1st District Rep Leandro Leviste ug Senadora Loren Legarda.
Mibiya ang duruha niadtong mga adlaw diin mikaylap ang init nga balitang ipa-ilalom matud pa sila sa preliminry investigation sa Ombudsman aron masuta kung angayan ba silang kasuhan og plunder, paglapas sa Anti-Graft and Corrupt Practices Act (RA 3019), conflict of interest ug mga paglapas sa Code of Conduct for Public Officials ingon man ang isyu sa ‘honey trap’ batuk kang Executive Secretary Ralph Recto.
Migawas sa record sa NBI nga nananghid matud pa ang senador nga mugawas sa nasud alang sa iyang medical appointment kondiin una nilang dalikyatan ang Hong Kong kansa gikumpirma usab ni Senador Erwin Tulfo kondiin managlahing flights ang ilang gisakyan.
Human sa Hong Kong, mudalikyat usab ang mag-inahan sa France.
