BUTUAN CITY – Giklaro ni Department of Education kon DepEd Secretary Sonny Angara nga bukod sa mga pisikal nga sukdanan sa seguridad sama sa CCTV, koral ug metal detector, mas importante ang pagbaton og kusog nga relasyon o pakig-alayon sulod sa school community.
Sa iyang pag-atubang sa mga tigbalita sa pagbisita niya sa Zamboanga City human ang pagpamusil sulod sa Ateneo de Zamboanga University, gipadayag sa kalihim nga kinahanglang makighugoy-hugoy ug ma-ila og maayo ang mga estudyante, kumustahon ang ilang sitwasyon, tungod kay ang eskwelahan, mao man ang ikaduhang pinuy-anan sa kabataan.
Gidugang pa ni Education Secretary Sonny Angara nga patuloy ang pakig-alayon sa kagamhanan ug mga tunghaan ngadto sa mga ginikanan aron magpa-abot sa kinahanglang suporta, bisan og kini voluntary basis pa lang sa pagkakaron.
Giklaro usab niya ang dakong hagit sa pag-abot sa tanang estudyante ilabina ang mga posibleng duna’y gihambing suliran sama sa mga batang gikan sa mga broken families o nanginahanglan og counseling ilabina nga duna pa’y kakulangon sa mga guidance counselors.
Tungod niini, nanawagan siya og usa ka “bayanihan approach” aron magtinabangay ang tanan alang sa kaayuhan sa mga kabataan.
