BUTUAN CITY- Padayon nga gimonitor sa state weather bureau ang usa ka Low Pressure Area (LPA 07d) nga kasamtangang anaa gawas sa Philippine Area of Responsibility (PAR).
Sumala sa taho, ang maong LPA makit-an sa gilay-on nga labing-minus 1,635 kilometro sa sidlakang Southern Luzon.
Aduna kini kasarangan o medium chance nga mahimong usa ka Tropical Depression sulod sa mosunod nga 24 oras.
Ugaling hingpit na kining mahimong bagyo, tawagon kini og Tropical Cyclone “Kiyapo” isip lokal nga pangalan.
Sa pagkakaron wala pay direktang epekto sa nasud ang maong sistema, apan padayon kining gibantayab sa mga eksperto aron masiguro ang kaluwasan sa publiko.
Ang pagbantay sa LPA importante hilabi na nagkaduol ang panahon sa tag-ulan, kung asa mas prone ang pagmugna og mga bagyo sa kadagatang nakapalibot sa Pilipinas.
