BUTUAN CITY – Ngamadaugon ang Los Angeles Lakers sa game 1 nila sa Houston Rockets sa iskor 107-98 sa nagsugod nga playoff sa NBA.
Kini bisan paman nga wala makadula sa Lakers ang duha ka star players nga sila Luka Doncic og Austin Reaves kansa wala makadula sukad niadtong Abril 2 og wala pay seguradong petsa kung kanus-a kini makabalik sa dula.
Nahimong epektibo ang Los Angeles Lakers sa ilang opensa human makarekord og 61% field goal percentage ug 53% gikan sa three-point range.
Sa laing bahin, naglisod ang Houston Rockets sa pagsabay tungod kay nakarekord lamang sila og 38% shooting ug 33% gikan sa long range.
Nanguna para sa Lakers si Luke Kennard nga nakaiskor og 27 puntos, 4 rebounds, ug 3 assists.
Nakatabang usab si LeBron James nga adunay 19 puntos, 8 rebounds, ug 13 assists, samtang nagpakita og lig-on nga depensa si Deandre Ayton nga nakarekord og 19 puntos ug 11 rebounds.
Tungod sa kombinasyon sa lig-on nga shooting ug balanse nga kontribusyon gikan sa ilang mga nag-unang magdudula, malampusong nakuha sa Lakers ang ilang unang kadaogan sa serye batok sa Rockets.
