-- ADVERTISEMENT --
BUTUAN CITY – Mi-abot na sa pito ka mga tawo ang kumpirmadong patay samang 11 ang angol sa Davao Oriental ug Davao City human gitay-og sa magnitude 7.5 nga linog kagahapon sa buntag.
Base sa record sa National Disaster Risk Reduction and Management Council kon NDRRMC, apil sa namatay ang usa ka senior citizen sa Davao City nga nadat-ugan sa konkretong bungbong samtang gi-validate pa ang ubang mga casualties.
Mi-abot usab sa 331 ka mga pamilya kon bugti sa 1,265 ka mga indibidwal ang gihikling samtang 8,436 ka indibidwal ang apektado gikan sa 2 ka rehiyon.
Padayon usab ang paghatag sa mga hingtungdang ahensya sa gobyerno og mga relief goods sa mga apektadong lugar.
