BUTUAN CITY – Maghatag og libreng sakay ngadto sa mga magtutudlo ning siyudad sa Butuan ang mga tricycle drivers ug operators nga sakop sa Butuan City-Wide Tricycle Transport Cooperative kon BCWTTransco karong unang semana sa Oktubre.
Kini isip tribute ngadto sa mga magtutudlo subay sa pagsa-ulog sa World Teacher’s Day tungod sa ilang dakong papel sa edukasyon ug sa komunidad.
Sumala ni Pastor Jun Ybañes, ang chairperson sa maong grupo, nga kasamtangan pa nilang giplastar ang eskedyul sa nasangpit nga kalihukan. Subay sa maong opisyal nga naglaum silang mas daghan pa nga mga magtutudlo ang ilahang maserbisyuhan karong tuiga, kompara sa kapin kon kulang 500 nga ilahang na libre og pasakay niadtung nakalabayng tuig mga World Teacher’s day.
Sigon ni Pastor Jun nga anaa na matud pa sa ika duhang tuig ang nasangpit nga kalihukan alang sa mga magtutudlo, apan ang libreng sakay, anaa na sa kini sa 9 ka tuig nga ginahimo sa ilahang grupo, depende matud pa sa okasyon, sama na lamang sa pag-abli sa klase.
Dugang sa maong opisyal nga taliwala pa man nga bulontaryo ra ang maong kalihukan og wala kini tabang subsidiya gikan sa lokal nga pangamhanan, ubay-ubay gihapo nga mga drivers ang ning saad nga molambigit sa kalihukan.
