BUTUAN CITY – Gihukman og silot-kamatayon sa usa ka korte sa Uganda ang usa ka lalaki tungod sa pagpatay sa upat ka mga bata sa usa ka nursery school sa capital, Kampala, sa sayong bahin ning bulana.
Kini human nahukmang guilty si Christopher Okello Onyum human niya gidunggab ang mga batang nag-edad og usa ngadto sa tulo ka tuig niadtong Abril 2.
Nasuta nga nagpaka-aron ingnon siyang ginikanan rason nga nakasulod siya sa nursery school, dayong lock sa gate ug gihimo na ang pagpangatake sulod lang sa 5-minutos
Gisulayan pa siya pagkulata sa suko nga mga ginikanan adiser naka-abot ang security guard nga mao na’y mikostudiya kaniya
Base sa pagdungog sa korte, nag-search si Onyum og mga tunghaan nga duol kaniya ingon man ang pagpamutol og ulo sa mga ISIS diha sa iyang mobile phone ug laptop adiser ang pagpamatay rason nga nakita sa huwis nga usa kini ka klarong pagpangandam alang sa pag-atake.
Gibasura usab sa korte ang claim sa nahukman nga nga duna kini gihambin nga problema sa utok atol sa insidente kondiin gibutyag sa huwis nga ang tukma nga paago sa pagpatay, makonsiderang premeditated, ilabian nga gipamatay ang mga bata sama sa mga mananap. .
Wala pa mangayo og pasaylo si Onyum ngadto sa mga ginikanan sa mga biktima kansa sigon sa huwis, klarong wala kini magbasol sa iyang gihimo.
