BUTUAN CITY – Patay nang napalgan ang usa ka lalaki sa Talacogon, Agusan del Sur, upat ka adlaw adiser ang iyang kasal human kini naghikog sa punuan sa Lanzones gamit ang pisi nga gihikot sa iyang li-og.
Sa eksklusibong pakighinabi sa Bombo Radyo Butuan, gi-ila ni Talacogon OIC Chief of Police Lt. Val Warren Polanco ang biktimang si Andy Mondejar, 32-anyos, ulitawo ug residente sa Brgy. Del Monte.
Sigon ni PLt. Polanco, sa buntag pa lang ning mi-aging adlaw, mi-adto matud pa sa lungsod ang biktima ug nagpalit og pisi nga panghikot sa kabaw dayong saka sa bukid.
Pagka-alas tres sa hapon, napalgan na lang kini ni Dennis Salinas nga nagbitay na sa punuan sa Lanzones nga wala na’y kinabuhi.
Migawas sa ilang inisyal nga imbestigasyon nga mi-atras na matud pa sa ilang kasal ang iyang ka-ipon human niini nasayrang gilugos matud pa sa biktima ang iyang pag-umangkon.
Mibati matud pa kini og tumang ka-ulaw ilabina nga anaa na ang mga bisita sa ilang kasal kondiin tibuok na matud pa ang desisyon sa babaye nga dili na ihinayon ang ilang kasal.
