BUTUAN CITY – Laing benipisaryo na usab ang natunulan og hinabang bugas kansa gipatunol sa pipila ka mga lungsunaron ug pribadong sektor sa Bombo Radyo alang niadtong mga kabus nga Butuanons.
Mi-abot sa 15 ka indibidwal ang nakadawat sa tabang nga gilangkuban sa mga Persons with disabilities kon PWDs isip kina-ugalingong paghatag og ayuda ning sibyahan niadtong mga kabus nga Butuanon nga apektado sa COVID-19 ilabina niadtong wala makadawat og ayuda gikan sa barangay ug siyudad apil na sa Special Amelioration Program kon SAP sa nasudnong kagamhanan.
Sa pakighinabi ning sibyahan kang Teresita Castillo byuda ug dunay anak nga PWD nga residente sa Brgy. Libertad ning dakbayan sa Butuan, hingpit ang iyang pasalamat ilabina wala sila malakip sa pinansyal nga ayuda programa sa gobyerno taliwala paman sa ilang kahimtang nga single mom ug dunay anak nga nanginahanglan og special needs.
Sigon ni Castillo iyang usa ka anak na lamang nga lalake ang gisaligan nila karon nga maoy nagsustento atubangan sa krisis, nga hatod sa COVID-19 , butang nga dako gayod nga tabang ang nadawat nilang hinabang bugas kansa personal gayud gitunol kanila gikan sa Bombo Radyo.
Susamang pasalamat usab ang gipaabot ning sibyahan sa presidente sa mga PWDs sa Brgy. Libertad nga si Ruel Sopapo tungod kay dakong tabang na ang iyang nadawat nga bugas gikan sa Bombo Radyo sa nasangpit nga indibidwal nga maoy natumbok nga mas nanginahanglan ilabina kay wala kini makadawat og SAP.
Apan kung boot huna-hunaon, giklaro sa presidente nga duna pay daghan nga nanginahanglan karun og tabang nga mga PWD sa maong lugar nga gisaaran usab sa Bombo Radyo nga paningkamutang matunulan.
